Во тек на месец мај 2024 година Меѓународен Славјански Универзитет беше домаќин на студенти од Високата школа за безбедност и економика (ВУСИ) од Пловдив, Бугарија, во рамките на програмата Еразмус+.

Целта на нивната посета беше едномесечна практична работа во универзитетот за време на која студентите беа едуцирани за работа на веб-страници, подготовка на написи и слични активности поврзани со секојдневното одржување на веб страницата на универзитетот.

Нашиот тим посвети внимание на развивање на вештини кои ќе им помогнат на студентите во нивната иднина кариера. Студентите добија можност да учат од нашите вработени, работејќи на реални проекти и задачи кои им помогнаа да го применат теоретското знаење во практиката. Преку овој процес тие ги подобрија своите технички вештини и стекнаа искуства кои ќе им бидат од голема корист во нивната професионална иднина.

Посетата на студентите од ВУСИ – Бугарија е инспиративен пример за меѓународната соработка и размената на знаења која ја промовираме на нашиот универзитет. Се надеваме дека оваа соработка ќе продолжи и во иднина, овозможувајќи на многу други студенти да ги прошируваат своите хоризонти и да стекнуваат нови знаења.

Ги охрабруваме сите студенти кои се заинтересирани за слични меѓународни искуства да ги искористат можностите кои ги нуди програмата Еразмус+. Меѓународен Славјански Универзитет продолжува да создава можности за своите студенти, поттикнувајќи го нивниот личен и професионален развој преку учество во слични програми.