Во рамки на практичната настава по предметот Пенологија, студентите од третата година на Факултетот за правни науки – кампус Битола, при Меѓународен Славјански Универзитет, реализираа студиска посета на Казнено-поправниот дом Прилеп, под менторство на асс. м-р Ерика Пешкоска Петрески.
Оваа теренска активност претставува уште една потврда за стратешката определба на Меѓународен Славјански Универзитет да обезбеди образование што оди подалеку од класичната академска рамка – образование што создава правници подготвени за вистинскиот свет.

Студентите имаа можност директно да се запознаат со процесот на извршување на санкциите, како и со внатрешната организација и функционалност на една од клучните пенолошки установи во државата.
Меѓународен Славјански Универзитет останува посветен на интензивна соработка со институциите од правосудниот систем и на унапредување на практичната компонента во наставата – како дел од нашата мисија да изградиме генерација правници кои не само што ги разбираат законите, туку знаат и како да ги применат.