Студентите на прв и втор циклус студии од Факултетот за психологија во тек на месец декември реализираа практична настава во Психијатриска болница – Скопје (с. Бардовци). Практичната настава во оваа институција се реализира секоја година, врз основа на Договорот за меѓусебна соработка.

Денес, студентите од Факултетот за психологија беа дел и од прославата по повод новогодишните и божиќните празници во организација на болницата и корисниците на услуги.
За оваа пригода, студентите и универзитетот обезбедија подароци за корисниците и хуманитарна помош (храна, производи за хигиена и облека).