На ден 29.03 и 30.03.2018 година во просториите на Меѓународен Славјански Универзитет „Г. Р. Державин“​ – одделение Битола, Дирекцијата за заштита и спасување на Република Северна Македонија одржа стручна обука на просторните сили за заштита и спасување пред вработените од ЗК „Пелагонија“ АД – Битола.

Наставната програма се состоеше од:

1. Системот за заштита и спасување во Републиката и негово организирање
2. Видови на природни непогоди и други несреќи
3. Организaција, подготвување и функционирање на мерките за заштита и спасување
4. Раководење и командување со заштита и спасување
5. Персонален и материјален состав на единиците за противпожарна заштита
6. Видови на пожари што можат да настанат во услови на природни непогоди и други несреќи
7. Организација на спојувањето на силите и средствата и запознавање со формациската опрема и материјално-техничките средства за работа:
8. Извежбување на единиците во практична работа со формациска опрема и материјално-техничките средства.

Ова беше одлична можност студентите од Факултетот за безбедносно инженерство да се здобијат како со теоретски, така и со практични знаења од областа на заштитата при работа и заштитата од пожари.

На настанот присуствуваше и Директорот на Дирекцијата за заштита и спасување, господинот Аднан Џафероски, кој ги поздрави присутните и притоа оствари средба со дел од раководниот тим на МСУ, на која беа договорени слични заеднички проекти во иднина, од кои најголем бенефит ќе имаат студентите од Факултетот за безбедносно инженерство.