Меѓународен Славјански Универзитет склучи договор за соработка со Македонското здружение за заштита при работа, со цел воспоставување стратешко партнерство од заемен интерес.

Договорните страни се обврзаа на меѓусебна поддршка во рамки на промотивни (корпоративни) пакети за студирање на сите факултети и студиски циклуси кои се реализираат на Меѓународен Славјански Универзитет.

Соработката предвидува користење на поволности во начинот и условите за студирање за членовите на здружението, што претставува значаен чекор во проширување на достапноста и флексибилноста на високото образование.

Оваа иницијатива е дел од континуираните напори на Меѓународен Славјански Универзитет да ги зајакнува врските со професионалните заедници и да создава можности за личен и професионален развој на студентите.