Откриена бистата на Державин на МСУ во Св. Николе
12 декември 2019
Се одржаа Деновите на психологијата на МСУ во Битола
17 декември 2019
Денес на Меѓународен Славјански Универзитет „Г. Р Державин“ во Свети Николе се одржа промоција на делото „Дигести“ – Јустинијан, преведено од латински јазик од проф. д-р Даниела Тошева.
Издавањето на делото е поддржано од Министерството за култура на Република Северна Македонија.
Промотор беше проф. д-р Весна Томовска од Филозофки факултет при Универзитетот „Св. Кирил и Методиј“ во Скопје.
Римскиот цар Јустинијан I (527-565 г.) бил еден од најенергичните владетели, кој се покажал амбициозен во повеќе области. Но едно од неговите најзначајни достигнувања, со кое се зафаќа набргу штом доаѓа на власт, се однесува на систематското реконструирање и консолидирање на римското право, како и трансформирање на правното образование.
Тој зафат претставувал долготрајната работа на правниците, а како резултат бил издаден првиот кодекс, кој подоцна (во XVI век) го добил името Збирката на граѓанско право (Corpus iuris civilis). Дигести е само еден дел од Збирката на граѓанско право, но можеби најзначајниот и секако најобемниот, кој содржи
педесет книги.
Во оваа книга насловена Дигести се опфатени книга 23 и 24, односно оние книги во кои директно се обработува брачното право. Според тоа, содржината на оваа книга претставува првичен извор за изучување не само на бракот и брачното право во антиката, туку и на правната положба на жените во антиката.
