Во рамките на Еразмус+ програмата која овозможува мобилност на наставен и административен кадар, Меѓународен Славјански Универзитет беше домаќин на тим професори од Техничкиот универзитет во Габрово, Бугарија. Делегацијата од нашиот партнерски универзитет беше составена од проф. д-р Рајчо Иларионов, проф. д-р Николај Маџаров и проф. д-р Станимир Садинов и тие го посетија нашиот главен кампус во Свети Николе.

Професорите осварија средба со основачот и претседател на Управен Одбор на Меѓународен Славјански Универзитет, проф. д-р Јордан Ѓорчев, како и ректорката на МСУ, проф. д-р Ленче Петреска. Посетата беше основа за разговор за нови можности за продлабочување на академската и научно-истражувачката соработка, со фокус на заеднички проекти, програми и иницијативи кои ќе придонесат кон унапредување на образованието и науката на двете страни.

Посетата се покажа како одлична можност за поттикнување на дијалог помеѓу двата универзитети, со надеж дека таа ќе донесе долгорочни бенефиции за студентите и наставниот кадар, преку нови програми, проекти и меѓународни размени кои ќе ги збогатат нивните академски и професионални искуства. Меѓународниот Славјански Универзитет останува посветен на отворање на вратите кон нови хоризонти на знаењето и соработката.