Во просториите на МСУ се одржа предавање од страна на Проф. д-р Тодор Галунов од Универзитет „Св. Кирил и Методиј“ – Велико Трново, кој престојуваше на Универзитетот во рамки на програмата Еразмус+ преку активноста „Мобилност на кадар за настава“.

Во текот на посетата беше реализирано првото предавање на тема „Теорија на државата и институции на Европската Унија“. Предавањето беше посветено на обработка на теоретските аспекти на државата, како и на институционалната структура, надлежностите и функционирањето на институциите на Европската Униија.

На настанот присуствуваа ректорот на МСУ, проф. д-р Васко Стамевски, деканката на Факултетот за психологија, проф. д-р Слаѓана Ангелкоска, како и Кирил Трајчев, кои со своето присуство ја поддржаа реализацијата на оваа академска активност.

Предавањето се одвиваше во конструктивна и работна атмосфера, со активна вклученост на студентите и плодна дискусија, што придонесе за успешна реализација на настанот.