Проф. д-р Слободан Бундалевски, како претставник на Меѓународен Славјански Универзитет, учествуваше на дводневна работилница одржана во Скопје, посветена на унапредување на соработката, развојот на вештини и инклузијата во секторот за управување со цврст отпад. Настанот обедини претставници од академската заедница, институции и релевантни организации, со цел размена на експертиза, идентификување на предизвиците и креирање насоки за понатамошен развој на овој значаен сектор.

Првиот ден беше фокусиран на темата „Соработка со Факултетот за технологија и металургија (FTM) и Helvetas Македонија“, при што се дискутираше за продлабочување на партнерствата, развој на заеднички иницијативи и поврзување на академската експертиза со реалните потреби на секторот. Посебен акцент беше ставен на улогата на високообразовните институции во создавање применливи знаења, трансфер на технологии и градење одржливи модели на соработка помеѓу универзитетите, приватниот сектор и меѓународните организации.

Вториот ден беше посветен на темата „Патеки кон вештини и инклузија во секторот за цврст отпад“, каде што се разгледуваа можности за креирање специфични обуки кои би ги поддржале малите и средни претпријатија, како и анализа на почетната состојба и клучните наоди од релевантните извештаи. Дискусиите се фокусираа на идентификување на јазовите во вештините, потребата од структурирани програми за дообука и преквалификација, како и на создавање поинклузивен пристап кој ќе овозможи поголема интеграција на различни категории.

Со своето активно учество, Меѓународен Славјански Универзитет уште еднаш ја потврди својата посветеност кон стратешки партнерства, применливо знаење и развој на решенија со конкретно општествено влијание. Ваквите активности ја зацврстуваат позицијата на Универзитетот како релевантен чинител во процесите на одржлив развој, иновации и трансфер на знаење.