Меѓународен Славјански Универзитет со задоволство го најавува претстојот на Јигит Кош, претставник од Универзитетот Окан во Истанбул, Турција, кој ќе ја реализира својата мобилност како дел од програмата Еразмус+ за административна обука, во периодот од 21 до 25 јули 2025 година.

Посетата претставува дел од нашата стратешка определба за интензивирање на интернационалната соработка и зајакнување на професионалните капацитети преку директна размена на искуства и добри практики.

Во текот на неговиот престој, гостинскиот претставник ќе има можност активно да се вклучи во секојдневните процеси на работа на универзитетските служби и да се запознае со моделите на организација и управување што ги применува Меѓународен Славјански Универзитет.

Оваа мобилност е уште еден доказ за континуираната отвореност на универзитетот кон нови партнерства и интернационални иницијативи, насочени кон заеднички развој и академско поврзување со институции од Европа и пошироко.

Меѓународен Славјански Универзитет останува посветен на градење силна мрежа на соработка преку европските програми, поттикнувајќи иновации, интеркултурна размена и одржлив академски развој.