Во рамки на 4. Глобален образовен самит кој се одржа на Чандигар Универзитетот во Индија, м-р Михаела Ѓорчева од Меѓународен Славјански Универзитет на 3. октомври одржа два значајни говори фокусирани на:

• Глобални соработки за унапредување на одржливоста преку истражувања и
• Соработка со националните влади за примена на најсовремени технологии во полза на општеството.

Во говорите беа споделени практични примери од работата на Меѓународен Славјански Универзитет, како и нашиот ангажман во формирање на Балканскиот Универзитетски Центар.

Публиката вклучуваше реномирани академици од над 50 универзитети од целиот свет. Особена чест беше присуството на нобеловецот проф. Герард ‘т Хофт, кој ги сподели своите размислувања за иднината на науката и нејзината улога во општествениот напредок.

Настанот вклучуваше повеќе панели и сесии кои опфатија широк спектар на теми поврзани со глобалното образование, иновациите и одржливоста. Учесниците имаа можност да дискутираат за најновите трендови и предизвици во образованието, како и за важноста на примената на напредни технологии во решавањето на глобалните проблеми.

Изразуваме благодарност до Чандигар Универзитетот за поканата и гостопримливоста.