Во комплексот Негорски бањи се одржа реномираната манифестација „Асовите бираат асови“, на која беа доделени бројни признанија и награди во повеќе категории. Настанот го собра врвот на спортската сцена, препознавајќи ги достигнувањата и посветеноста на истакнатите спортски имиња.

Голема чест за Меѓународен Славјански Универзитет и за нашиот ракометен клуб ЖРК Овче Поле Славјански Универзитет беше доделувањето на престижната награда „Најдобар тренер“ на ракометната легенда Кирил Лазаров. Наградата ја врачи проф. д-р Јордан Ѓорчев, претседател на Управен одбор на Меѓународен Славјански Универзитет и претседател на ЖРК Овче Поле – Славјански Универзитет.

Во рамки на настанот, заедно со нашите ракометарки од клубот му подаривме уметничка слика на организаторот на настанот, новинарот Бошко Трпевски, во знак на почит и пријателство.

Меѓународен Славјански Универзитет продолжува активно да придонесува кон развојот на спортот и афирмацијата на вистинските спортски вредности, поттикнувајќи млади таленти и поддржувајќи истакнати професионалци.