Викторија Велкова, вработена во Канцеларијата за меѓународни односи при Меѓународен Славјански Универзитет, учествуваше на Youth@Work Digital Competences Forum, што се одржа од 13 до 14 декември во Анталија, Турција.

Настанот беше организиран од Турската национална агенција во соработка со Националната агенција за европски образовни програми и мобилност на РСМ, како дел од Erasmus+ мрежата.

Во рамки на форумот, Викторија учествуваше на повеќе работилници поврзани со дигитални компетенции, вештачка интелигенција и младинска вклученост. Исто така, на Organisational & Networking Fair, го претстави Меѓународен Славјански Универзитет пред претставници од над 15 земји, меѓу кои Финска, Германија, Турција, Египет, Украина, Италија и други.

МСУ продолжува да гради нови меѓународни партнерства и да го шири својот влијание на европската академска сцена.