Меѓународен Славјански Универзитет со гордост најавува дека на 24 септември 2025 година, за време на Генералното собрание на Обединетите Нации (UNGA80), ќе има свој претставник на еден од најзначајните глобални настани посветени на одржливоста, Climate Week во Њујорк.

Нашата претставничка, Михаела Ѓорчева, заменик претседател на Управен одбор на Меѓународен Славјански Универзитет и основач на Киноверзум, е избрана како говорник на престижниот настан WIN Lounge, кој се организира во рамките на Climate Week.

Овој настап претставува дел од континуираната соработка на Меѓународен Славјански Универзитет со глобалната организација Women Inspiring Network (WIN). Михаела веќе годинава учествуваше на настани на WIN во Давос и Кан, а ова ново претставување во Њујорк е потврда за значајната улога која ја има во полето на иновациите и одржливото претприемништво.

Њујорк во септември 2025 ќе биде центар на светската дискусија за климатските промени, одржливиот развој и иднината на планетата. Меѓународен Славјански Универзитет е горд што е дел од оваа глобална приказна преку свој претставник на највисоко ниво.