Меѓународен Славјански Универзитет беше домаќин на значајна работна средба со претставници на кинески образовни и културни институции, со што дополнително се зацврсти неговата стратешка ориентација кон интернационализација и проширување на меѓународната академска мрежа.

Во рамки на посетата, на Универзитетот престојуваа Лиао Веј, директор на Конфуцијевиот институт при Универзитетот „Св. Кирил и Методиј“ во Скопје, и Љупчо Маленков, претседател на Македонското-кинеското друштво за пријателство и соработка. Средбата се одржа во кабинетот на проф. д-р Јордан Ѓорчев, претседател на Управниот одбор на Меѓународен Славјански Универзитет, каде што се разговараше за конкретни чекори кон воспоставување институционална соработка.

Главниот фокус на разговорите беше насочен кон подготовка на договор за воведување на кинескиот јазик во академската понуда на Универзитетот, преку формирање на посебна кинеска програма. Оваа иницијатива беше разгледана како значаен исчекор во насока на збогатување на наставните содржини и отворање нови образовни перспективи за студентите.

Со оваа иницијатива, Меѓународен Славјански Универзитет ја потврди својата определба за континуирано унапредување на образовната понуда и за создавање услови што ги поврзуваат студентите со глобалните образовни и економски текови. Воведувањето на кинескиот јазик претставуваше стратешки чекор кон позиционирање на Универзитетот како институција што активно ги следи светските трендови и гради мостови на меѓународна соработка.