Нашиот тим предводен од Михаела Ѓорчева и Иван Спасев како претставници на Киноверзум и Меѓународен Славјански Универзитет пристигна во Кан, Франција, за да учествува на еден од најпрестижните културни настани во светот – Канскиот филмски фестивал.

Нашето присуство започна со црвениот тепих на премиерата на најновото продолжение на „Mission Impossible“, настан кој го одбележа присуството на холивудската ѕвезда Том Круз.

Нашата делегација беше дел и од премиерата на филмот Die, My Love, каде што присуствуваа светски познатите актери Роберт Патинсон и Џенифер Лоренс.

Во рамки на фестивалот, присуствувавме и на премиерата на документарниот филм Bono – Stories of Surrender, посветен на фронтменот на легендарниот бенд U2, кој привлече внимание од бројни уметници од цел свет.

Учеството на Киноверзум и Меѓународен Славјански Универзитет на Канскиот филмски фестивал претставува извонредна можност за меѓународна промоција, културна размена и воспоставување нови партнерства со филмски професионалци.