Почитувани студенти,

Ве известуваме дека во текот на летниот период нашиот тим работеше на подготовка на нова, подобрена платформа за Е-учење. Новата платформа ќе ви ги обезбедува истите информации како и досега, но побрзо, подобро, попрегледно и поефикасно. На новата платформа за Е-учење ќе можете да ги најдете истите содржини како и на претходната:

• електронска литература,
• предавања од професорите,
• резултати од испитните сесии,
• информации за набавка на литература од книжарниците,
• распоред на предавања,
• термини за испити,
• контакт информации за предметните професори и асистенти,
• упатства за подготовка на академски трудови,
• Огласна табла

Се очекува новата платформа да ја замени старата најдоцна до недела, 18-ти октомври. Препорачливо е доколку имате потреба од некои документи од старата платформа да ги преземете во овој период. Иако истите материјали ќе бидат достапни и на новата платформа, најдобро е за секој случај да ги наснимите материјалите кои сметате дека ќе Ви бидат потребни.

Најавување на новата платформа

На новата платформа ќе можете да се најавите со вашето старо корисничко име и вашата лозинка од претходната платформа. Доколку се најавувате за првпат, внесете го вашиот број на индекс како корисничко име и вашиот ЕМБГ како лозинка (при првото најавување). После првото најавување потребно е лозинката да биде променета.

Е-индекс

Е-индекс е платформа која ќе ви овозможи да запишувате предмети на почетокот на семестарот и да добивате електронски оцени од професорите после сесиите. Е-индекс за сите студенти ќе биде достапен од јануарската сесија, освен за студентите од прва година. За студентите од прва година Е-индекс ќе биде достапен почнувајќи од 26-ти октомври 2020.

МСУ електронска пошта

За првпат годинава сите студенти ќе добијат МСУ електронска адреса која ќе биде формулирана на следниов начин: број-на-индекс@student.msu.edu.mk (на пр. 111111@student.msu.edu.mk).

Преку електронската адреса студентите ќе можат да ги контактираат професорите и администрацијата на МСУ. Сите студенти ќе можат да ја користат МСУ електронската пошта почнувајќи од 26-ти октомври. Студентите од прва година веќе имаат упатства за најава на МСУ електронската пошта.

Е-учење и Е-индекс ќе бидат поврзани со МСУ електронската адреса, при што ќе можете самостојно да ги ресетирате лозинките доколку има потреба. Во секој случај нашиот тим за Е-учење останува на располагање на сите студенти.

Користење на МСУ електронска пошта:

1. За најава е потребно да ја посетите страницата:  http://msu.edu.mk/webmail
2. Се најавувате со број-на-индекс@student.msu.edu.mk како корисничко име.
3. Се најавувате со Вашиот ЕМБГ како лозинка при првото најавување.

После првото најавување потребно е да се направи промена на лозинката.

Обуки за користење на новите платформи

За студентите од прва година обуката за користење на Е-учење и Е-индекс ќе се одржи на 26-ти октомври. Линковите ќе ги добиете од вашите ментори и на МСУ електронските адреси.

За студентите од втора, трета и четврта година обуката за користење на Е-учење и Е-индекс ќе се одржи на 27-ми октомври. Линковите ќе ги добиете од вашите ментори.