На 19 септември, амфитеатарот на Меѓународен Славјански Универзитет во Свети Николе беше местото каде што се одржа едно од највпечатливите предавања оваа академска година. Гостин пред многубројната публика беше Крешимир Мишак – хрватски новинар, писател, предавач и музичар, најпознат како автор и водител на телевизиската емисија „На Рубу Знаности“, каде што ги истражува границите помеѓу науката, филозофијата и алтернативните светогледи.

Во своето предавање, Мишак ја отвори темата за влијанието на технологијата врз човековата еволуција и општествените трансформации. Неговите ставови и идеи поттикнаа активна дискусија меѓу присутните, кои со голем интерес поставуваа прашања и споделуваа размислувања. Настанот беше динамичен, интерактивен и полн со инспиративна енергија.

Присутните имаа и ексклузивна можност да се сретнат лично со авторот, да разменат неколку зборови и да набават примероци од неговите книги со личен потпис – момент кој ќе остане во сеќавање на многумина.

Меѓународен Славјански Универзитет упатува благодарност до сите што беа дел од оваа вечер на идеи, отворен дијалог и интелектуално истражување. Поддршката и интересот што постојано ги покажува нашата заедница се мотивација да продолжиме со организирање на настани кои го поттикнуваат критичкото размислување и го збогатуваат академскиот живот.