Завршија активностите на нашите студенти и соработници од Здружението на студенти при Меѓународен Славјански Универзитет кои беа на младинска размена во Романија за Еразмус+ проектот насловен “SOLIDART – Education without borders“.

Како последна активност, младите кои учествуваа во Еразмус+ проектот SolidArt ја запознаа публиката со форум театар. Оваа активност се одвиваше во центарот на Решица, Романија. Форум театарот е форма на театар што поттикнува интеракција со публиката и истражува различни опции за справување со дадените проблеми. Проблемот беше претставен преку две сцени: во првата сцена актерите имаа улоги како жртви на дадениот проблем и како агресори, односно тие кои го предизвикуваат конфликтот. После првата сцена следеше дискусија помеѓу публиката за дадениот проблем и нивна задача беше најдат соодветно решение.

Потоа, истата сцена се повтори. но овој пат публиката требаше да замени една од жртвите и да се соочи со агресорите на начин на кој ќе го одбегне конфликтот.

Заклучно со оваа активност заврши проектот докажувајќи дека доколку имаме меѓусебно разбирање, заедно можеме да надминеме каков било конфликт.