Во рамки на програмата Еразмус+ за обука на административен кадар, Меѓународен Славјански Универзитет во периодот од 11 до 21 јули 2025 година беше домаќин на Шимал Серт, претставничка од Универзитетот Окан од Истанбул.

Целта на посетата беше професионално усовршување и директно запознавање со административните и интернационални практики што ги применува МСУ. Програмата опфати вклучување во секојдневното работење на релевантните служби, работни состаноци и размена на искуства со локалниот кадар. Гостинката имаше можност да согледа различни пристапи во организацијата на универзитетската работа и да сподели идеи за идна соработка.

Оваа мобилност претставува уште еден чекор во нашата континуирана заложба за меѓународна поврзаност, отворање кон нови практики и зајакнување на професионалните капацитети.

Меѓународен Славјански Универзитет продолжува да создава услови за градење активни партнерства со универзитети низ Европа, со фокус на квалитет, професионализам и заеднички развој.