На 20 декември 2025 година, во топлата и инспиративна атмосфера на Киноверзум, се реализира успешно и финално издание од серијата „Денови на психологија“, организирано од Меѓународен Славјански Универзитет. Овој настан беше посветен на тема меѓу емоциите и етиката: предизвици на работното место на психологот.

Настанот привлече големо внимание и беше посетен од бројни студенти, наставен кадар, како и експерти од областа на психологијата и сродни професии. Програмата започна со панел-дискусија која отвори важни прашања за емоционалните предизвици и етичките дилеми со кои се соочуваат психолозите во своето секојдневно професионално дејствување. Акцентот беше ставен на сложените ситуации поврзани со границите во интерперсоналните односи, справувањето со лични реакции во работен контекст.

Следеше панел-дискусија со реномирани стручњаци од полето:

• Ана Чучкова – професор на Факултетот за психологија при МСУ
• Атанас Кирјаковски – професор на Факултетот за хуманистички и општествени науки при МБУ
• Мирослав Пендароски – професор и Европски сертифициран Гешталт терапевт
• Елеонора Серафимовска – научен истражувач и Ко-основач на Психолошката Лабораторија
• Модератор: Искра Постолова

Дискусијата го отвори прашањето за тоа како психолозите се справуваат со емоционалниот товар на својата професија, без да ги нарушат етичките принципи што ја дефинираат нивната работа. Се анализираа ситуации каде што личните реакции, емпатијата и човечката страна на психологот може да влезат во судир со потребата од професионална дистанца и објективност. Настанот создаде вреден простор за продлабочена анализа, критичко размислување и споделување на искуства за тоа како емоциите и етиката се преплетуваат во секојдневната пракса на современиот психолог.