Резултати од Есенскиот ликовен и фото конкурс – 2020

Почитувани учесници,

како што беше најавено, резултатите од Есенскиот ликовен и фото конкурс 2020 ги објавуваме денес, на 15 декември. Пристигнаа 849 исклучително квалитетни ликовни дела и фотографии од талентирани уметници и фотографи од сите генерации. Оправдано доцниме неколку часа со резултатите, бидејќи поради големиот број квалитетни дела, наместо ветените 3 награди, комисијата одлучи да додели вкупно 50 награди (25 во категорија фотографии, 25 во категорија ликовни дела) и тоа:

25 награди за фотографии
- 1 место – златна плакета + таблет
- 2 место – сребрена плакета + комплет за сликање со платно
- 3 место – плакета + комплет за сликање
- од 4-то до 25-то место – сертификат за пласирање во топ 25, книга од нашата официјална издавачка куќа, Меѓународен центар за славјанска просвета.
25 награди за ликовни дела
- 1 место – златна плакета + таблет
- 2 место – сребрена плакета + комплет за сликање со платно
- 3 место – плакета + комплет за сликање
- од 4-то до 25-то место – сертификат за пласирање во топ 25, книга од нашата официјална издавачка куќа, Меѓународен центар за славјанска просвета.

Сите останати учесници ќе добијат електронски сертификати за учество во тек на месец декември.

Виртуелната изложба на сите 849 пристигнати дела се одржа на 14-ти декември, со почеток од 13:00 часот. Повеќе за виртуелната изложба можете да прочитате овде или за да го погледнете видеото кликнете овде.

Задачата на жирито не беше лесна, пред се поради фактот што делата кои пристигнаа беа од многу различни генерации. При оценувањето жирито се трудеше предвид да ги земе не само критериумите, но и возраста на учесниците.

За секое од пристигнатите дела се трудевме да ја провериме оригиналноста, посебно за наградените дела.

Благодарни сме на сите што ги доставија нивните дела бидејќи знаеме колку е тешко да се твори во овие тешки времиња. Без разлика што не можеме да ги наградиме сите дела, би сакале да ви посакаме да не се обесхрабрувате, да продолжите да творите. Креативноста, инспирацијата, уметноста треба да бидат наши водилки во време на изолација бидејќи ни ја пружаат слободата која толку многу ни е потребна. Уметноста не поврзува со еден замислен свет во кој се е дозволено и се е возможно.

Во продолжение ги објавуваме имињата на наградените и нивните дела. Сите добитници на наградите ќе бидат контактирани во тек на месец декември за доставата.