Битола беше домаќин на првиот настан од нашите Денови на психологија со тема „Баланс помеѓу работата, учењето и приватниот живот“. Настанот се одржа во Офицерски дом во Битола на 25. ноември и беше координиран од проф. д-р Марина Кузмановска.

Модератор на настанот беше Елена Костадиновиќ која ја воведе публиката во темата и постави основа за квалитетен и инспиративен дијалог. Сите говорници донесоа уникатни перспективи за одржување на психолошка рамнотежа во динамичен свет.

Наташа Бекирова говореше за важноста на семејните односи и емоционалната регулација како клуч за здрав баланс. Рената Димановска се фокусираше на свесноста и присутноста во моментот како основа за справување со стресот.

Гордана Кирацовска го отвори прашањето за влијанието на технологијата врз менталното здравје, нудејќи практични совети за дигитална детоксикација. Алтина Јусуфи сподели искуства од бизнис-секторот, нагласувајќи ја важноста на поддржувачката организациска култура.

Никола Митревски даде инспиративен поглед од спортски агол – за фокусот, дисциплината и приоритетите како основа за ментален баланс.

Настанот привлече голем број на публика, пред се студенти, психолози и љубители на психологијата. Ви благодариме на сите присутни, говорници и соработници!