На 4 април 2023 година (вторник) проф. д-р Рафал Ребилас, проректор за меѓународни односи на WSB University од Полска, беше во посета на Меѓународен Славјански Универзитет во Свети Николе.

Беше остварена средба со претседателот на Управен Одбор при Меѓународен Славјански Универзитет, проф. д-р Јордан Ѓорчев, на која се зборуваше за соработка на повеќе полиња – започнувајќи од двојни дипломи, европски проекти, размена на студенти и административен кадар. Денес меѓународните партнерства се клучни за развој на универзитетите, а соработката со институции од целиот свет нуди единствена можност за споделување знаења, идеи и најдобри практики, што води до подобри услови за студентите.