Во Киноверзум на Меѓународен Славјански Универзитет во Свети Николе се одржа првата претстава на Алтернативниот театар Пробатон – „Сега му е мајката“ од Горан Стефановски, во режија на Владо Денчов.

Премиерната изведба се одржа на 12 март 2025 година, а главните улоги ги играа Ѓорчев Стефан и Антониј Ѓорѓиев.

За техничката поддршка беа задолжени Дарко Станојков (музика и монтажа) и Иван Гичев (светло и тон). Фотографиите беа изработени од Фото студио Kiss и агенцијата Leadit, додека графичкиот дизајн го изработи Leadit.

Големиот интерес за претставата ја потврди потребата од вакви алтернативни сценски изведби во академската заедница. Алтернативниот театар Пробатон ќе продолжи со организација на нови продукции, збогатувајќи ја културната сцена на универзитетот.