Во рамки на програмата Еразмус+ за обука на академски и административен кадар, Меѓународниот Славјански Универзитет имаше чест да го пречека вон. проф. д-р Мехмет Зеки Гексу, академик на Универзитетот Бинали Јилдирим од Ерзинџан, Турција. При Факултетот за теологија, Катедра за филозофија и религиозни науки – Оддел за религиско образование.

Посетата се одржа од 29 до 31 јули 2025 година. За време на неговиот престој, д-р Гексу направи обиколка на кампусот на универзитетот во Свети Николе и учествуваше на состаноци и дискусии со вработените од Канцеларијата за меѓународни односи.

Посетата помина во пријатна и конструктивна атмосфера, со размена на искуства и идеи за идни форми на соработка.

Му благодариме на д-р Гексу за посетата и се радуваме на продолжување на меѓународната соработка.