Заменик претседателот на Управниот одбор при Меѓународен Славјански Универзитет, Михаела Ѓорчева, и членот на Управниот одбор, Иван Спасев, беа дел од престижната „Ноќ на македонските вина“ во Париз, во партнерство со винаријата Фудтопија.

Настанот, организиран од Н.Е. амбасадорот на Република Северна Македонија во Франција, Игор Г. Николов, претставуваше значајна дипломатска и економска платформа за позиционирање на македонското вино како силен национален бренд на европската сцена.

Во рамки на посетата, тие присуствуваа и на Wine Paris, еден од најважните глобални настани на кој се дефинираат трендовите, стратегиите и иднината на винската индустрија.

Присуството, реализирано во партнерство со винаријата Фудтопија, имаше јасна стратешка цел: истражување на современи можности за брендирање, интернационално позиционирање и креирање додадена вредност преку силна приказна, квалитет и автентичност.