Денес матурантите од Штип, Пробиштип и Свети Николе гостуваа на Меѓународен Славјански Универзитет „Г. Р. Державин“ во Свети Николе.

Учениците имаа можност да присуствуваат на четири практични работилници:

– Маркетинг менаџмент
– Безбедност при работа и пожар
– Вовед во психологија
– Право и правни науки

Учениците кои ја избраа работилницата подготвена од Факултетот за правни науки денес беа во улога на детективи и истражуваа кражба во библиотека. Нивна задача беше да пронајдат докази со кои ќе и помогнат на полицијата да ја откријат личноста што стои позади кражбата.

Работилницата од областа на безбедноста при работа и пожари ги запозна студентите со законската регулатива за заштита при работа и пожар. Беше презентирана опремата кој ја поседува нашиот Универзитет за мерење на светлина, температура, бучава, вибрации и заземјување која и самите матуранти можеа практично да ја употребат. Беше изведена и симулација на пожар на електрична табла со осигурувачи, а пожарот беше изгаснат од матурантите со помош на ПП апарат наполнет со јаглерод диоксид.

Работилницата по маркетинг менаџмент им овозможи на учениците да креираат промоција за производ или комбинација од производи.

Учесниците на работилницата од областа на психологијата работеа Маховер проективна техника, вежби за изразување емоции и вежби за релаксација.