На 15 март, Меѓународен Славјански Универзитет беше горд учесник на Саемот за образование во Skopje City Mall, организиран од Студентарија — настан кој уште еднаш ја потврди важноста на дијалогот меѓу академијата и идните студенти.

Нашиот универзитет се претстави со целосната понуда на студиски програми, со посебен акцент на Факултетот за психологија – еден од најпопуларните и најбарани правци на студирање кај новите генерации. Посетителите имаа можност директно да се запознаат со нашите професори и претставници, да постават прашања, да добијат совети и насоки за идниот академски пат – и, што е најважно, да ја почувствуваат енергијата и визијата што ја носи Меѓународен Славјански Универзитет.

Присуството на вакви настани е дел од нашата долгорочна стратегија за активна вклученост во заедницата, промоција на квалитетно образование и охрабрување на младите да направат информиран избор за својата академска и професионална иднина.

Благодарност до сите средношколци, идни академци, родители и професори кои не посетија – вашата љубопитност и интерес ни се најголем поттик за идни иницијативи.