Кан, Франција неделава беше домаќин на најпрестижниот светски настан во областа на креативната индустрија и маркетингот, Cannes Lions International Festival of Creativity. Освен фестивалските активности, Меѓународен Славјански Универзитет и Киноверзум учествуваа на неколку значајни панели и дискусии.

Михаела Ѓорчева, заменик претседател на Управен одбор на МСУ и основач на Киноверзум зборуваше на WIN Lounge, организиран од Women Inspiring Network, кој се одржа во реномираниот хотел Мартинез. Пред публика од над 20 земји, таа ја претстави својата работа во Киноверзум, како и својата ангажираност во рамки на Меѓународен Славјански Универзитет.

На панел-дискусијата под наслов „Креативниот футурист“, таа учествуваше заедно со експерти и креативци од Јужна Африка, Индија, САД и Зимбабве. Разговорот беше насочен кон улогата на образованието во креативните индустрии и иднината на глобалната креативност во ерата на брзи технолошки промени.

Дополнително, Михаела беше дел и од серија настани организирани од The Female Quotient, влијателна американска платформа која се фокусира на засилување на улогата на жените во бизнис-секторот на глобално ниво.

Меѓународен Славјански Универзитет продолжува активно да се вклучува во меѓународни образовни и професионални иницијативи, поттикнувајќи лидерство, иновација и еднаквост на глобалната сцена.