Тимот на Меѓународен Славјански Универзитет присуствуваше на свечениот прием организиран во чест на 30-годишнината од воспоставувањето на дипломатските односи меѓу Република Северна Македонија и Република Казахстан. Настанот се одржа по повод официјалното отворање на Амбасадата на Република Казахстан во Скопје, што претставува значаен чекор во продлабочувањето на билатералните односи.

Посебна благодарност упатуваме до амбасадорот на Казахстан, Н.Е. Сатибалди Буршаков, за топлиот прием и гостопримството што му беше укажано на нашиот тим. Оваа средба отвори нови перспективи за понатамошна соработка во областа на образованието и научниот развој.

Меѓународен Славјански Универзитет го претставуваа претседателот на Управниот одбор, проф. д-р Јордан Ѓорчев, заменик претседателот на Управниот одбор, Михаела Ѓорчева, членот на Управниот одбор Иван Спасев, како и претставници од Канцеларијата за меѓународни односи.

На свечениот прием свои обраќања имаа амбасадорот на Казахстан, Н.Е. Сатибалди Буршаков и министерот за надворешни работи, Тимчо Муцунски, а на настанот присуствуваше и претседателката на Република Северна Македонија, Гордана Силјановска Давкова.

Во рамки на настанот, делегацијата на Меѓународен Славјански Универзитет оствари средба и со Н.Е. Мартин Памер, амбасадор на Австрија во Република Северна Македонија.

Присуството на овој значаен настан е дел од стратешката определба на Меѓународен Славјански Универзитет за јакнење на меѓународната соработка, создавање нови партнерства и унапредување на образовните можности за студентите и академскиот кадар.