Киноверзум во Штип и Меѓународен Славјански Универзитет беа домаќини на предавање од реномираниот хрватски новинар, писател и водител Крешимир Мишак, познат по долгогодишното уредување на култната емисија „На Рубу Знаности“. Настанот предизвика голем интерес и отвори низа инспиративни дискусии поврзани со иднината на човештвото, влијанието на технологијата и улогата на човекот во современото општество.

Ова беше второ гостување на Мишак на Меѓународен Славјански Универзитет, како дел од поширока серија на предавања кои имаат за цел да отворат критички дијалог за современи теми и глобални предизвици. Настаните под платформата Киноверзум се фокусирани на спојување на научното, уметничкото и човечкото во разбирањето на светот што нè опкружува.

Следни локации и датуми:

• 29 ноември 2025 – Кино Манаки, Битола
• 30 ноември 2025 – Салон 19,19, Скопје

Меѓународен Славјански Универзитет продолжува со активна поддршка на настани кои охрабруваат интердисциплинарен пристап, критичко размислување и отворен дијалог меѓу студентите, академската заедница и пошироката публика.