Меѓународен Славјански Универзитет и годинава ја унапредува својата европска академска мисија преку активности реализирани во рамки на Jean Monnet проектот, посветени на граѓанските и политичките права, создавајќи средина во која знаењето се трансформира во аргументирана дебата и активно општествено влијание.

Програмата започнува на 10 јуни 2024 година со дебата која ќе се одржи во главната сала на Меѓународен Славјански Универзитет, кампус Мејбери Хајвеј во Свети Николе. Овој настан воедно го означува и официјалниот почеток на предавањата, кои ќе се реализираат во времетраење од 20 дена и ќе бидат фокусирани на темата Граѓански и политички права. Преку овој континуиран едукативен процес, учесниците ќе имаат можност да навлезат подлабоко во суштината на човековите права и нивната примена во современиот демократски контекст.

Дебатата е конципирана како интерактивна платформа каде учесниците ќе можат да застапуваат ставови, да аргументираат и да развиваат критичко размислување, поставувајќи основа за понатамошна активна вклученост во текот на програмата. Активноста овозможува практична примена на знаењата, како и развој на комуникациски и аналитички вештини кои се клучни за современиот академски и професионален развој.

Оваа иницијатива создава простор во кој учесниците се профилираат како свесни и ангажирани поединци, подготвени да придонесуваат во развојот на демократските вредности и европските општествени процеси.

Се покануваат студентите на Меѓународен Славјански Универзитет, како и сите заинтересирани граѓани, да се пријават и да станат дел од оваа значајна академска иницијатива.

Пријавувањето се врши преку онлајн формулар, а сите пријавени ќе добијат дополнителни информации околу учеството.

Активноста се реализира под менторство на проф. д-р Марија Гроздановска и проф. д-р Елизабета Спироска, со поддршка од Erasmus+ програмата на Европската Унија, што ја потврдува нејзината релевантност и европска димензија.

Меѓународен Славјански Универзитет продолжува да создава можности за знаење, развој и активно учество, градејќи генерации кои размислуваат критички и делуваат одговорно.

Апликацијата е затворена.