Во јули оваа година Меѓународен Славјански Универзитет и посака добредојде на Ајсима Џејлан, студентка која пристигна од Турција на Еразмус+ студентска мобилност за пракса. Таа доаѓа од Универзитетот Коџатепе во Афјон, каде што ги следи своите додипломски студии на Факултетот за технички науки и информатика.

Во текот на десет недели таа работеше на различни активности поврзани со безбедност при работа: од основни набљудувања и анализа на ризици, па сѐ до запознавање со универзитетските политики за безбедност и реални индустриски имплементации. Дел од нејзината програма вклучуваше обуки за користење на заштитна опрема, вежби за евакуација, каде што имаше можност да ги спореди своите академски знаења со практични искуства.

Посебен акцент беше ставен и на практичните задачи, создавање извештаи, анализа на несреќи и подготвување на безбедносни планови. Преку константна комуникација со својот ментор, асистент Марин Савевски, Ајсима успеа да стекне практични знаења кои се од голема важност за нејзината идна професионална кариера.

Во текот на престојот таа не само што ги прошири своите професионални компетенции, туку и стана дел од студентската заедница на МСУ. На овој начин Еразмус+ мобилноста ѝ овозможи да изгради искуства и спомени што ќе останат значаен дел од нејзиниот академски и личен развој.