Михаела Ѓорчева на Меѓународен Славјански Универзитет на престижниот Forbes CMO Summit Europe 2025
11 ноември 2025Со големо задоволство го најавуваме настанот Денови на психологија 2025, кој годинава го организираме на пет различни локации во соработка со Киноверзум, единствениот македонски ланец на кина.
Во време кога секој ден сме опкружени со илјадници информации, нотификации и мислења, нашата способност да задржиме внатрешен мир станува предизвик поголем од кога било. Како континуираниот доток на информации влијае врз нашето ментално здравје? Дали можеме да најдеме рамнотежа меѓу дигиталниот шум и психо лошкиот мир?
Годинава со главната тема „Информациски хаос и психолошки мир“ на Денови на психологија ќе се отвори дискусијата за современите психолошки предизвици во дигиталната ера. Преку предавања, дебати и работилници ќе се обидеме да одговориме на прашањето: Како да го сочуваме умот стабилен во свет што никогаш не замолчува?
Битола
Тема: „Балансот помеѓу работата, учењето и приватниот живот“
Во време кога секојдневните обврски нè водат во бесконечен круг на стрес и недостиг од време, ќе зборуваме за тоа како да изградиме внатрешен и надворешен баланс. Како да го усогласиме професионалниот, академскиот и личниот живот без да го изгубиме психолошкиот мир?
Датум: 25 ноември 2025 година. со почеток во 11:00ч.
Локација: Офицерски дом – Битола
Штип
Тема: „Психологија и вештачка интелигенција“ со проекција на филмот „М3ган“
Филмот „М3ган“ отвора сериозни прашања за односот човек – машина, границите на емпатијата и влијанието на технологијата врз психата. Заедно ќе ја анализираме психолошката димензија на вештачката интелигенција – дали таа може да нè разбере, замени или контролира?
Датум: 29 ноември 2025 година со почеток во 11:00ч.
Локација: Киноверзум Штип
Велес
Тема: „Емоционална интелигенција и комуникација во семејството“ со проекција на филмот „Regretting You (Без каење)“
Преку приказната од филмот ќе ја разгледаме длабоката врска меѓу мајка и ќерка, недоразбирањата и тишината што често зборуваат повеќе од зборовите. Како да изградиме зрела емоционална интелигенција и здрави односи во семејството?
Датум: 12 декември 2025 година со почеток во 11:00ч.
Локација: Киноверзум Велес
Скопје, Кисела Вода
Тема: „Психолошки перспективи на љубовта, губитокот и простувањето“ со проекција на филмот „Regretting You (Без каење)“
Љубовта, загубата и простувањето се теми што секој човек ги проживува на свој начин. Преку психолошка анализа на филмот, ќе откриеме како емоционалните процеси влијаат на нашата зрелост и способност за прифаќање.
Датум: 13 декември 2025 година со почеток во 11:00ч.
Локација: Киноверзум Кисела Вода
Свети Николе
Тема: „Меѓу емоциите и етиката: предизвици на работното место на психологот“
Психолозите секојдневно се соочуваат со морални дилеми и емотивни оптоварувања. Овој настан ќе го отвори прашањето: како да останеме професионални, емпатични и етични – без да изгубиме човечност?
Датум: 20 декември 2025 година со почеток во 11:00ч.
Локација: Киноверзум
Без разлика на која локација ќе ни се придружите, ве очекуваат инспиративни разговори, филмски приказни, и моменти што ќе ве натераат да размислите – но и да се насмеете.
Ќе учиме, ќе споделуваме, и – најважно – ќе си поминеме прекрасно!
Пријави се за настанот
Формата не е достапна за пријавување.
