Меѓународниот ден на студентите (17-ти ноември) во светот се одбележува како симбол на борбата за демократско образование и сеќавање на 17-ти ноември 1939-тата година кога нацистите погубија 20 чехословачки студенти кои протестираа против окупацијата.

     Повеќе од 1200 студенти тогаш беа одведени во концентрациони логори, а студентските домови и универзитетите беа претворени во касарни.

      Oва е денот кога се сеќаваме на борбите на студентите во минатото, ги славиме нивните имиња и се обидуваме да ги сфатиме резултатите од нивниот активизам. Oва е денот кога треба да погледнеме кон иднината, да се обидеме да посветиме малку внимание на борбите кои им претстојат и да ги потсетиме дека најважната лекција која сме ја научиле –  нема ништо посилно од единството.