Петтиот дел од вечерните дискусии на теми од психологијата со доц. д-р Ана Чучкова се одржа на 11-ти февруари од 21:00 часот. На дискусијата на тема „Благосостојба и мудрост“ имаше над 270 учесници. Гости на настанот беа Тони Зен и Иванчо Горјанин – сенсеи.

На овој дел од вечерните дискусии, учесниците не само што можеа да научат нешто повеќе за благосостојбата и мудроста, тие имаа прилика од гостите да научат повеќе за јапонската калиграфија, а имаа можност и самите да ги пробаат своите вештини, следејќи ги инструкциите од Тони Зен и Иванчо Горјанин.

Нашите гости одлучија да доделат и награди на вкупно 5 учесници. За да учествуваат во изборот, учесниците требаше да постават приказна (story) на нивниот Инстаграм профил и да го означат Меѓународен Славјански Универзитет „Г. Р. Державин“ (@slavjanskiuniverzitet).

Четворица од учесниците добиваат по еден примерок од албумот „Од изворот на изборот“ од Тони Зен и по еден примерок од јапонската калиграфија на која Тони Зен работеше за време на предавањето. Еден од наградените добива рачно изработен дрвен тег за калиграфија.

Добитниците на наградите беа избрани по случаен избор.

• албум + лист калиграфија:
  • @vesnavatanasova
  • @mbosevski_6
  • @kikanaumovska
  • @topalovab
• добитник на дрвен елемент за калиграфија е
  • @kloopce

По големиот интерес за „Деновите на психологијата на МСУ“, воведовме циклус на отворени предавања на МСУ. Започнавме со вечерни дискусии на теми од психологијата со доц. д-р Ана Чучкова. Првата дискусија беше бесплатна и се одржа на 3-ти декември 2020 на тема „Стоицизам – како начин на живеење во модерно време“ со околу 140 учесници.

Втората дискусија исто така беше бесплатна и се одржа на 17-ди декември 2020 на тема „Цртите на личноста и асертивноста“. Дискусијата се одвиваше онлајн преку платформата Zoom и траеше околу 2 часа, а имаше над 140 учесници.

Третата дискусија, како и претходните две се одржа бесплатно на 14-ти јануари на тема „Мотивација“ на која имаше околу 200 учесници.

Четвртата дискусија, исто така се одржа бесплатно на 28-ми јануари на тема „Психологија и пропаганда“. На четвртата дискусија гостин беше актерот Марјан Ѓорѓиевски.

Шестиот  дел од дискусиите ќе се одржи на 25-ти февруари. Регистрирањето е преку следниов линк.