На 19. март 2024 година на Меѓународен Славјански Универзитет во Битола беше реализирана заедничка инклузивна работилница помеѓу студентите од Факултетот за психологија под менторство на проф. д-р Горица Поповска Налевска и учениците од прво одделение од ОУ „Тодор Ангелевски“ – Битола под менторство на наставничката Слаѓана Бојаџиева.

На работилницата студентите, учениците и нивните ментори разменија искуства и позитивни практики во креирањето на инклузивна средина за учење, сензибилизирање на учениците, развивање емпатија и почитување на различностите, преку креирање и примена на креативни дидактички ресурси и материјали.