Во рамки на соработката помеѓу Меѓународен Славјански Универзитет „Г. Р. Державин“ и Липецкиот државен педагошки универзитет „П. П. Семјонов Тан-Шански“ од Русија, група наши претставници учествуваа на меѓународната научна конференција „Педагогија на 21-виот век: стандарди и практики“.

Студентите од рускиот универзитет организираа и културна програма преку која нашите студенти се запознаа со традицијата и културата на Русија. Беше организирана и работилница за изработка на традиционални руски кукли. Исто така, студентите ја имаа можноста да се запознаат со историјата на градот Липецк преку организираните екскурзии и посета на неколку музеи.