Се одржа изложбата од ликовниот конкурс „Перото – инспирација за уметничката четка“
31 октомври 2021
Лиса Хенеке од Универзитетот Лајбниц во Хановер, Германија, ќе студира на МСУ еден семестар во рамките на Еразмус+ програмата
3 ноември 2021
Институтот за култура и уметност при Меѓународниот Славјански Универзитет „Гаврило Романович Державин“ кој го распиша ликовниот конкурс „Перото – инспирација за уметничката четка“, на 31 октомври свечено ја отвори изложбата од 302 пристигнати дела во дворот на МСУ во Свети Николе. Конкурсот траеше од 11 јуни до 30 септември оваа година, а е поддржан од Министерството за култура како проект од национален интерес за 2021 година.
Комисијата за избор на најдобрите дела според сите наведени параметри имаше тешка задача да се одлучи бидејќи многу од делата се навистина прекрасни и кореспондираат со оригиналност и уметничка импресија, како и поврзаност со делата кои оставиле очигледно големо влијание во меморијата на сликарите.
Наградените учесници како што ветивме ги објавуваме на нашата официјална страна, а за наградите ќе бидат контактирани. Како што беше најавено во конкурот селектирани се по тројца победници од секоја категорија (ДЕТСКА, МЛАДИНСКА и ВОЗРАСНА КОНКУРЕНЦИЈА) и добиваат:
- 1 место – златна плакета + комплет за сликање со платно
- 2 место – сребрена плакета + книги + комплет за сликање
- 3 место – плакета + комплет за сликање
Сите останати учесници ќе добијат електронски сертификат за учество во тек на месец ноември.
ДЕТСКА КОНКУРЕНЦИЈА
1 место – Ели Поповска
2 место – АнаМарија Радевска
3 место – Миа Несторова
МЛАДИНСКА КОНКУРЕНЦИЈА
1 место – Павел Милановски
2 место – Константин Солак
третото место го делат Анастасија Недељковска и Стефан Станковски
ВОЗРАСНА КОНКУРЕНЦИЈА
1 место – Зоран Арсовски
2 место – Маја Стојанова
3 место – Емил Спасовски
Верувамe дека сите уживавте во изложбената поставка во дворот на нашиот универзитет кој беше направен во боите на есента, за вашите дела да бидат ставени во незаборавна есенска бајка.
За сите кои учествувавте на овој конкурс следуваат сертификати за учество и Ве очекуваме да бидете дел и од идните наши проекти на кој начин заеднички ќе ставаме белег на просторот, времето и културните пејзажи.
Со почит,
Директор на Институт за култура и уметност при МСУ „Г. Р. Державин“
Проф. д-р Соња Ризоска Јовановска
