Се одржа изложбата од ликовниот конкурс „Перото – инспирација за уметничката четка“

Нашиот соработник Јуриј Сараев, руски доктор по атомска енергија, пред неколку години во интервју за Утрински весник зборуваше за кризата со електричната енергија
30 октомври 2021
Наградени дела од конкурсот „Перото – инспирација за уметничката четка“
3 ноември 2021

Се одржа изложбата од ликовниот конкурс „Перото – инспирација за уметничката четка“

Денес со почеток од 20:00 часот се одржа изложбата од ликовниот конкурс „Перото – инспирација за уметничката четка“ организирана од Институтот за култура и уметност при МСУ. Делата беа изложени во дворот на Меѓународен Славјански Универзитет „Г. Р. Державин“, а целиот настан се пренесуваше и виртуелно, преку платформата Zoom.

Конкурсот беше спроведен преку Фејсбук и Инстаграм профилите на Институтот за култура и уметност при Меѓународен Славјански Универзитет „Г. Р. Державин“. На конкурсот пристигнаа 302 дела, а делата се испраќаа во форма на фотографија. Проектот е поддржан од Министерството за култура како проект од национален интерес за 2021 година.



Преку овој конкурс учесниците можеа да насликаат илустрација за својата омилена книга и да се изразат со стилот којшто го сакаат.

Главната цел на проектот беше да ги мотивираме и инспирираме луѓето од различни културни пејзажи, различни родови, возрасни групи да се поврзат токму преку читањето на книгата и да создадат уметнички дела без оглед на нивното досегашно искуство за уметничко изразување со четка.

Изложбата ја отвори директорката на Институтот за култура и уметност при МСУ, проф. д-р Соња Ризоска Јовановска.