За време на Формула 1 Мајами Гран При, Михаела Ѓорчева од Меѓународен Славјански Универзитет учествуваше на специјализиран настан организиран од Формула 1 Академијата и The Female Quotient, посветен на улогата на жените во мотоспортот, маркетингот и современите бренд стратегии.
Настанот го отвори Сузи Волф, директорка на Формула 1 Академијата, по што следеше неформално вмрежување со учесниците. Во таа прилика, таа на дел од учесниците им подели потпишани примероци од својата книга, при што беше остварена и непосредна комуникација со Михаела Ѓорчева.
Меѓународен Славјански Универзитет често зема учество на настаните организирани од The Female Quotient.

Овој настан понуди значаен увид во трансформацијата на брендирањето, со фокус на создавање заедници, персонализирани искуства и активна интеракција со фановите. Маркетинг директорите од глобални компании како Мета и Мајкрософт ги потенцираа новите можности што ги нуди технологијата во разбирањето на однесувањето на публиката во реално време.
Од академски аспект, Формула 1 претставува релевантен пример за еволуцијата на глобалните брендови – од масовна комуникација кон културна поврзаност и континуирана интеракција со публиката. Значаен е и растот на женската публика, која денес сочинува над 40% од фан базата.
Партнерства како она на Сефора со Формула 1 Академијата практично демонстрираат колку е важен интерактивниот пристап во градењето брендови.