Според најновиот извештај изготвен од Генералниот директорат за образование, млади, спорт и култура при Европската комисија, Меѓународен Славјански Универзитет e еден од најуспешните универзитети во земјата во имплементација на иницијативата Европска студентска картичка.
МСУ постигнува 100% дигитализација на Erasmus Learning Agreements за излезни мобилности во 2024 и 2025 година и 98% дигитализација кај влезни мобилности во 2025 година. Со досегашната работа истиот тренд го забележуваме и во 2026 година.
Овие резултати се значително над националниот просек кој изнесува околу 67%, што јасно ја потврдува позицијата на универзитетот како лидер во имплементацијата на Erasmus Without Paper системот.
Иако земјата бележи значителен напредок во дигитализацијата, ваквата разлика од над 30 процентни поени покажува дека Меѓународен Славјански Универзитет веќе го има достигнато нивото кон кое останатите институции се стремат.
Од влегувањето во Erasmus+ програмата во 2019 година, универзитетот континуирано работи на: унапредување на мобилноста на студентите и академскиот кадар, дигитализација на процесите и усогласување со европските стандарди.
Овој пристап овозможува поефикасни процедури, поголема транспарентност и подобро искуство за студентите и персоналот.
Со вакви резултати, Меѓународниот Славјански Универзитет претставува пример за успешна дигитална трансформација во високото образование и активен придонесувач кон создавање на единствен Европски образовен простор.