На покана на престижното американско бизнис списание Forbes и хотелот Courtyard London Heathrow во сопственост на најголемиот ланец хотели во светот, Marriott, м-р Михаела Ѓорчева, член на Управен Одбор на Меѓународен Славјански Универзитет присуствуваше на тркалезна маса во Лондон на тема The Business of Lifestyle: Trailblazing a Journey of Passion.

На тркалезната маса која беше организирана во Courtyard London Heathrow на 20 јуни 2023, беа поканети само лица кои се дел од 30 Under 30 листата на Форбс, како и соработници на Форбс и Мериот. Оваа ексклузивна дискусија собра повеќе млади претприемачи од различни индустрии за заеднички да дискутираат за трансформативната моќ на патувањето и значењето на интеракциите помеѓу луѓето во денешниот глобален пејзаж.

Говорници на настанот беа Ана Јакимовска, директорка на Culture Trip, Fisayo Longe, директорка на Kai Collective, Mario Maher ко-основач на HEAT, Shereen Mitwalli, основач и директор на Naqqe Technologies, а модератор беше Alex Wood, директор на Форбс во Европа.

Заедно, тие ги истражуваа релациите помеѓу патувањето, културата, запознавањето со локалната заедница и безбројните деловни можности што произлегуваат од овие искуства.