Претставници од Меѓународен Славјански Универзитет присуствуваа на врачувањето на дипломи на нашиот партнер – Економскиот факултет при Универзитетот во Љубљана за да ги поддржат и да им честитаат на студентите кои се запишаа преку партнерството на двата универзитети.

Меѓународен Славјански Универзитет и Економскиот факултет при Универзитетот во Љубљана соработуваат за студиската програма на последипломски студии – Бизнис и организација.

Дипломите беа врачени од деканката, проф. д-р Метка Текавчич, во Економскиот факултет во Љубљана, на 22 јуни 2023 година. Еден од главните говорници на настанот бешe Грегор Рованшек, извршен директор на PRVA пензиско друштво.

Дипломите се симбол на напорната работа на студентите, нивната посветеност и извонредни достигнувања во текот на нивното образование.

Оваа свеченост е и можност да му се заблагодариме на нашиот универзитетски партнер за долгогодишната соработка. Со нивната поддршка, нашите студенти имаат можност да ги искористат сите предности што ги дава оваа соработка.