Институтот за култура и уметност при Меѓународен Славјански Универзитет „Г. Р. Державин“ минатиот месец распиша конкурс за најкреативна маска по повод 1-ви април. Сите пристигнати дела беа дел од виртуелната изложба на најкреативните маски која се одржа на 1-ви април 2021 од 19:00 часот.

Пристигнаа вкупно 460 маски од речиси сите градови во земјава и неколку маски од Хрватска и Црна Гора. Изложбата се одржа преку Zoom и учесниците можеа да ги видат нивните дела изложени во виртуелна галерија. На изложбата можеа да се вклучат сите учесници кои имаа испратено дело на конкурсот. Изложбата ја отвори директорката на Институтот за култура и уметност при МСУ, проф. д-р Соња Ризоска Јовановска.

Објавувањето на резултатите од конкурсот ќе биде на втори април 2021.