Првата банкарска сметка не е само услуга. Таа е почеток на однос што може да трае цел живот.

Во организација на проф. д-р Јулијана Силјаноска од Факултетот за економија и организација на претприемништвото при МСУ, а во соработка со УНИБанка, во МСУ Битола се одржа работилницата „Маркетинг во современото банкарско работење – теорија VS пракса: UniQ“.

Зад секоја прва сметка стојат два клучни концепти на современиот банкарски маркетинг: маркетингот на односи (relationship marketing) и вредноста на клиентот низ целиот однос со банката (customer lifetime value).

Проф. Силјаноска ја постави научната рамка преку прашањето што си го поставува секоја успешна банка: како клиентот на една услуга да стане клиент за цел живот?
М-р Гордана Петреска од УНИБанка го даде одговорот од праксата, со пакетот за млади UniQ како студија на случај.

Заклучокот: довербата е најважниот банкарски производ, а се гради уште од првата сметка.

Им благодариме на УНИБанка за соработката, а на студентите за активното учество!