Во периодот од 2022 до 2025 година, на Меѓународен Славјански Универзитет успешно се реализираше Жан Моне проект, поддржан во рамките на програмата Еразмус+ на Европската Унија.

Носител на проектните активности беше Факултетот за правни науки при Меѓународен Славјански Универзитет, во соработка со Институтот за култура и уметност и Институтот за инженерска економија, кои заеднички придонесоа кон успешната реализација на планираните активности и постигнувањето на проектните цели.

Во текот на тригодишната имплементација, проектот беше насочен кон промоција и унапредување на знаењата за европските вредности, човековите права, граѓанските и политичките права, како и механизмите за нивна заштита во рамките на европскиот правен систем. Посебен акцент беше ставен на улогата на Европскиот суд за човекови права, практичната примена на европското законодавство и развојот на критичкото размислување кај студентите и пошироката академска заедница.

Во рамките на проектот беа реализирани бројни активности, меѓу кои информативни сесии, предавања, тркалезни маси, дебати, интерактивни работилници и симулации на постапки пред Европскиот суд за човекови права. Овие активности овозможија активно учество на студентите, академскиот кадар и другите заинтересирани учесници, поттикнувајќи дијалог и практична примена на стекнатите знаења.

Проектот беше реализиран под раководство на проф. д-р Марија Гроздановска и проф. д-р Елизабета Спироска, со поддршка од програмата Еразмус+ на Европската Унија.