Во периодот од 16 до 18 јуни, Меѓународен Славјански Универзитет е домаќин на Фатма Зехра Татлисоз од Универзитетот „Фатих Султан Мехмет Вакиф“ од Република Турција, која престојува во рамки на програмата „Еразмус+“ за мобилност за обука.

Во рамки на посетата, беше реализирана средба со проф. д-р Јордан Ѓорчев, претседател на Управниот одбор на Меѓународен Славјански Универзитет, на која беа разменети искуства и мислења за значењето на меѓународната академска соработка и можностите што ги нуди програмата „Еразмус+“.

Посетата претставува дел од активностите предвидени со програмата за мобилност за обука, која овозможува стекнување нови знаења, размена на добри практики и јакнење на професионалните контакти меѓу високообразовните институции.