Среќни сме да кажеме дека 17-ти декември ќе остане ден кој засекогаш ќе го паметиме поради несекојдневниот настап на младите и талентирани уметници од Руската Федерација кој се одржа во  просториите на МСУ – Свети Николе.

Овие млади уметници се студенти на нашиот партнерски универзитет „Гаврило Романович Державин“ од градот Тамбов, Русија, на Факултетот за уметност и култура и ова беше нивниот прв настап во Македонија, со кој всушност тие го отворија Фестивалот на руската култура, кој ќе се одржи во повеќе градови низ нашата земја.

Во рамките на свеченото отворање, беа доделени и благодарници на шефот на катедрата за кореографија при Тамбовскиот државен универзитет, Марина Јуревна и на Меѓународниот Славјански Универзитет „Г.Р. Державин“ Св. Николе – Битола за нивниот допринос кон овој проект. Координаторот на проектот, Елена Сиљаноска, го изрази своето задоволство од успешноста на проектот, додека градоначалникот на општина Свети Николе, г-дин Зоран Тасев, ни порача да се држиме заедно со братска Русија, бидејќи така сме посилни.

Погледнете дел од фотографиите од свеченото отворање на Фестивалот на руската култура:

 [g-gallery gid=”1882″ random=”0″ watermark=”0″]